منتديات الديوانية كوم
اهلاً وسهلاً بك
عزيزي الزائر / عزيزتي الزائرة / يرجي التكرم بتسجبل الدخول اذا
كنت عضواً معنا
او التسجيل ان لم تكن عضواً وترغب في الانضمام الى اسرة منتدياتنا
نتشرف بتسجيلك ومشاركتنا
شكراً لك

أساتذة الشعر الشعبي العراقي

اذهب الى الأسفل

أساتذة الشعر الشعبي العراقي

مُساهمة من طرف Qassim في الخميس 10 يناير 2008, 1:35 am


أخواني وأخواتي أعضاء ومرتادي ،،،
منتدى الروائع ،،،
من أرض العراق باقة ورد معطرة بالسلام من ارض السلام...
لكل محبي السلام....
إرتئيت ، أن افتح صفحة خاصة لشعراء الشعر الشعبي العراقي...
على أن يكون لكل شاعر فترة من الزمن نستوفي بها بعض قصائده...
وتشاركونا بقصائده...وللذين لا يعرفون من هو الشاعر...
يمكنهم الاطلاع على قصائده أو بعضا منها مما سينشر هنا....
ومن بعدها نتحول الى شاعر آخر بنفس هذا الموضوع ليكون سفراً كبيراً لشعراء العراق ...
الفكرة مطروقة في مكانات آخرى ولكن لايضر نشرها هنا من اجل معرفة المزيد عن شعراء العراق لان رواد منتديات ديوانية كوم هم غير رواد المكانات الاخرى ...
وسأبدأ بالأستاذ مظفر النواب....
أحد عباقرة الشعر الشعبي العراقي...
كتب الشعر الفصيح ...وشعر الأغنية....
وسأدون ما يخص الاستاذ مظفر النواب في الصفحات التالية ان شاء الله تعالى
ولكم كل التقدير






[center]بداية دعوني ادرج شهادة من شهادات كثيرة شهد بها العديد من عباقرة الشعر و الصحافة لذلك العملاق الذي نبت من ارض الرافدين ليهب الشعر الكثير من الابداع و يزين صفحات العراق باسم يضم الى قائمة العمالقة ..

قالوا في النواب ::

لقد فاجأ مظفر النواب، أواخر الخمسينات، أساطين الشعر الشعبي في العراق بأنماط لا عهد لهم بها في الصياغة الشعرية وأساليب لم تخطر على مخيلاتهم وحدوسهم وحساسياتهم الجمالية في تهيكل البنية الفنية للقصيدة.
فلأول مرة تقترب القصيدة في الشعر الشعبي، على يد مظفر النواب، رؤيا ذهنية-روحية مما انتهت اليه أفضل نماذج القصيدة في الشعر الفصيح، حتى انك لتتقرى مفردات بنية القصيدة الحديثة، كما ولدت في أرفع آثار السياب ونازك والبياتي وبلند الحيدري، في قصيدة النواب الشعبية، وبذلك أحدث النواب في مسيرة الشعر الشعبي في العراق الانعطافة ذاتها التي احدثها رواد الحداثة الشعرية في مسيرة الشعر العربي الفصيح.
فالنسق الدرامي-الروائي في البناء.. والرؤيا الموضوعية التي تحرر الشاعر من قيود انانية الحواس ولا بصيرى الجسد وترتفع بالغناء الى صعيد العرفان وسبر اغوار الروح متلبسة مفردات تشكل الحساسية الجمالية والنزعة الملحمية المتعالية في صياغة السرد حبكة وسياقا واستشرافا للمسارات وبناء النموذج الملحمي، أضحت على يد النواب المقوّم الأساس في عمارة القصيدة الشعبية والنسغ الحي في تهيكل بنيتها الفنية. ومن هنا استطاع النواب بجهده الابداعي وحده،ان يحرر القصيدة الشعبية، كما فعلت حركة الشعر العربي الحديث، مما استقرت عليه قرون التقليد الكسول والاستقرار الموات في مسيرة الشعر الشعبي في العراق.
لقد اطلق النواب العنان لمخيلات مبدعي هذا الشعر واذهانهم وحساسيتهم الجمالية وذائقتهم النقدية، لينتظموا مع رواد حركة الشعر العربي الحديث في الصحوة التي دشنتها المدينة العراقية المحاصرة بالريف وتخلفه ومواته الكسيح في اربعينيات هذا القرن وخمسينياته. وبذلك يقتحم النواب حصون التخلف والكساح في الريف ويكاد يهز ارضه بشآبيب رؤياه المدينية المعاصرة ليفيق ويربو عنصراً ثوريا حياً بالفعل في تشكيلة المجتمع العراقي المعاصر، لولا ان يدهمه التخلف بما لا قبل لهذه المدينية به، فيسد عليها فجاج الأرض ويحيد آثارها، لتعود انماط السقوط والتمسح بالأردان والتسول ومفارقة العصر فتهيمن على مسيرة الشعر الشعبي في عراقنا، وتطرد ما تمخضت عنه التجربة النوابية من نماذج حية للرؤيا الشعرية المتقدمة والكبرياء الانساني الفذ في الستينات والسبعينات، وتنفرد هي في سوح الكدية والتهريج في العقدين الاخيرين من هذا القرن. ولكن ما كان لمنطق التاريخ في يوم من الايام ان يسد كل الفجاج والآفاق على مسيرة الابداع والتطور الحي، لذلك ظل النواب قادرا ان يحيق بالموات والتخلف والكساح والجدب.. ويهز عروق الارض بشآبيب ابداعه لتربو وتتقدم بالمزيد من نماذج الابداع والتحدي الخلاق في مختلف ميادين الصراع بين التخلف ومواصلة مسيرة الابداع والبناء والصيرورة الحية في مختلف ميادين الخلق الفني والروحي.
من هنا، كانت قدرة النواب الابداعية على مد جسور اللقاء الروحي واستحداث المزيد والمزيد منها بينه وبين متلقي آثاره الشعرية في العراق، رغم هيمنة الريف المتخلف على كل مقدراته المادية والروحية وانفراده بصياغة مفردات حياته. ولئن كانت النظرة المتعجلة تضع النواب مع تشيلي، بخاصة في شعره الفصيح الذي انتقل اليه بعدما حوصرت رؤياه المدينية بانماط التخلف والجدب التي كان يفرزها الريف، فان استقراء وقراءة التفحص لآثاره الفصيحة والشعبية تضعه مع بيتس طاقة غير معتادة في الاسطرة وخلق الرموز والبنى الاستعارية في صياغة القصيدة الشعرية. انه منجم عجيب للبنى الحلمية التي يفرزها شعور الروحي في الصياغة الشعرية. وهو في هذا يتحدث لنا من خلال الاسطورة والصور الشعرية وما يبدع من نماذج درامية-ملحمية حية، لا من خلال اللغة باعتبارها وسيلة تعبير وايصال. والحقيقة ان الاسطورة والحلم، بما ينطويان عليه من طاقات وحدوس روحية-شعرية، ظلا هما وسيلة الشاعر مظفر النواب لاعادة توازن قواه الابداعية وضبط ايقاع اعماقه الروحية واستكشاف ما يضطرب به الواقع الموضوعي من ارهاصات التحول وممكنات الصيرورة الى الافضل. من هنا كانت قراءته الذكية للحاضر ونبوءاته الصادقة لما يجري حوله واستشرافه للمستقبل، وكأنه في ذلك يقرأ ما سيأتي به الغد على صفحة خطها قاعد كالجواهر، وهو في هذه القراءة يتقدم، في فصيحه وشعبيه، الكثيرين من أساطين الحرف العربي في شعرنا المعاصر عربيا وعراقيا.
وبهذه القدرة الفذة على الاسطرة وانتزاع الاعماق الحلمية من غياهبها البعيدة ومجاهيلها اللاشعورية، يظل النواب قادرا على اختزال المسافات بينه وبين متلقيه.
بل انه الاقدر الآن على تشكيل متلقيه ذهنا وخيالا.. رؤية ورؤيا.. حدوسا واحاسيس بآثاره القديمة والحديثة. ولئن وفق الريف المتخلف الى محاصرة رؤياه المدينية المتقدمة.. ويضع السدود والحواجز دونها ليحيد الكثير من آثارها، فما وفق الى وقف اغراءاتها الذهن والخيال في عموم الوطن العربي، وليس في العراق وحده، بمتابعته والتآلف معه والاصطفاف مع حدوسه الشعرية واستشرافاته الباطنية المشرقة.
وهكذا ظلت المدينة، ليس في عراقنا وحسب، وانما في عموم الوطن المبتلى، رغم ما احاقه بها الريف من طوفانات التخلف والكساح والسقوط الروحي والخواء، مع مظفر النواب حساسية شعرية وذائقة نقدية ورؤيا ذهنية وأحلام بالتقدم والصيرورة الى الأفضل. ولك أن تقدر من يشمل هذا التخمين من أبناء هذه المدينة. انهم، قطعا، خيرة مثقفي العراق وادبائه ومفكريه وفنانيه والطليعة من مبدعيه في جميع ميادين الخلق والعطاء. حتى ليصعب ان تجد من لا يرى في صوت النواب صوته وفي هاجسه هاجسه واحلامه احلامه. ان النواب بما أبدع وغنى.. ويبدع ويغني، كمن يكاد يكون قدرا روحيا شائعا في بنية الذهن والخيال العراقيين. ولعله في ذلك اشبه بشيخه الجواهري الكبير الذي يكاد يكون انبه هذه الارض حدوسا شعرية وقراءات ذهنية امتدادا لجوهره الروحي. اذ امتداده الروحي هذا هو ما تضم ارض العراق من بشر راقين في حدوسهم ووعيهم.
ان النواب ظاهرة كبيرة في الشعر.. شعبيه وفصيحه، ليس في العراق وحسب، انما في عموم خارطة الروح والذهن والحساسية الجمالية والذائقة النقدية في طول الوطن العربي وعرضه، ولعله الشاعر الوحيد الذي استطاع ان يحتل هذا الموقع بين شعراء العراق، اذا استثنينا الجواهري الكبير وقباني في سوريا. ولا اظن شوقي وفق توفيقه في فصيحه وشعبيه. انه استثناء كالجواهري في مسيرة الابداع العربي في هذا العصر.
[/center]

_________________
حييتُ سفحكِ من بعيدٍ فحَييني
يادجلة الخير , يا أمَّ البســاتين ِ
حييتُ سفحَك ظمـآناً ألوذ به
لوذ الحمائِم بين الماءِ والطين
يادجلة الخير ِيا نبعاً أفـارقـه
على الكراهةِ بين الحِينِ والحينِ
إني وردتُ عُيون الماءِ صافيـة
نَبعاً فنبعاً فما كانت لتـَـرْويني
avatar
Qassim
المدير العام
المدير العام

البلد : Iraq
الجنس : ذكر عدد المساهمات : 348
عدد النقاط : 4525
تاريخ التسجيل : 16/12/2007
الموقع الموقع : منتديات الديوانية كوم http://4ever.sudanforums.net
المزاج المزاج : VerY hAppY

http://4ever.sudanforums.net

الرجوع الى أعلى الصفحة اذهب الى الأسفل

رد: أساتذة الشعر الشعبي العراقي

مُساهمة من طرف mustafa في الأربعاء 09 ديسمبر 2009, 4:28 am

الله الله يا مديرنا
عاشت ايدك وعاش منتدى الديوانية
معلومات قيمه عن مظفر النواب الشاعر العراقي الكبير وعن الشعراء الاخرين
شكرا .. قلة مانشاهد هكذا مواضيع في بقية المنتديات
بصمة جميله لمنتدانا منتدى الديوانية
اتمنى التوفيق لك ولمنتدى الديوانية الجميل.

mustafa
نائب المدير العام
نائب  المدير العام

البلد : بلدي
الجنس : ذكر عدد المساهمات : 50
عدد النقاط : 4061
تاريخ التسجيل : 14/01/2008
العمر : 36
المزاج المزاج : جيد

http://4ever.sudanforums.net

الرجوع الى أعلى الصفحة اذهب الى الأسفل

رد: أساتذة الشعر الشعبي العراقي

مُساهمة من طرف Qassim في الإثنين 25 يناير 2010, 4:23 am

mustafa كتب:الله الله يا مديرنا
عاشت ايدك وعاش منتدى الديوانية
معلومات قيمه عن مظفر النواب الشاعر العراقي الكبير وعن الشعراء الاخرين
شكرا .. قلة مانشاهد هكذا مواضيع في بقية المنتديات
بصمة جميله لمنتدانا منتدى الديوانية
اتمنى التوفيق لك ولمنتدى الديوانية الجميل.
mustafa

شكرا لك مرورك الاروع

فعلا نحن بحاجه لهكذا مواضيع
تعرف بنا وبثقافاتنا المتنوعة
وبشعراء امتنا العراقية
التي عانت ماعانت من ويلات وجراح
ودثرت بين جراحها المع اسماء هذه الامة
من شعراء ومفكرين وغيرهم
طبت بود

_________________
حييتُ سفحكِ من بعيدٍ فحَييني
يادجلة الخير , يا أمَّ البســاتين ِ
حييتُ سفحَك ظمـآناً ألوذ به
لوذ الحمائِم بين الماءِ والطين
يادجلة الخير ِيا نبعاً أفـارقـه
على الكراهةِ بين الحِينِ والحينِ
إني وردتُ عُيون الماءِ صافيـة
نَبعاً فنبعاً فما كانت لتـَـرْويني
avatar
Qassim
المدير العام
المدير العام

البلد : Iraq
الجنس : ذكر عدد المساهمات : 348
عدد النقاط : 4525
تاريخ التسجيل : 16/12/2007
الموقع الموقع : منتديات الديوانية كوم http://4ever.sudanforums.net
المزاج المزاج : VerY hAppY

http://4ever.sudanforums.net

الرجوع الى أعلى الصفحة اذهب الى الأسفل

رد: أساتذة الشعر الشعبي العراقي

مُساهمة من طرف Qassim في الأربعاء 24 مارس 2010, 6:58 pm



الشاعر الكبير // مضفر النواب

وإليكم إحدى روائعه
زرازير البراري


حن ....
وانه حن
و أنحبس ونه....
ونمتحن
مرخوص بس كبة الدمع
شرط الدمع
حدة الجفن
**********
جفنك جنح فراشة غض
وحجارة جفني وما غمض
يلتمشي بيه
ويه نبض
روحي على روحك تنسحن
حن بويه حن
***********
عيونك
زرازير البراري
بكل نشاط جناحها
بعالي السحر
والروح مني
عوسجة بسر
ما وصل ليه النده
ولا جاسها بكطرة مطر
وصفولي عنك بالنباعي تفيض
وتعنيت ليله ... وبه الكمر
وصفولي عنك كل مسامة تفيض
منك عطر .. يلحسنك نهر
تنزل بصدري وبه النفس وبدمي
غصبن تنعجن
وأشهك وأصعدك للسمة
بحسرات وبعنة حزن
حن ... بويه حن
**********
شفافك ولا كولن ورد .....
عنابه معكودة عكد
تمتلي بكد ما تنمرد
لا هو دفو لا هو برد

***************

سكتاتك تشكل خواطر بالكلب ...
مالي عرف بيهن كبل
مبروم بره الريزة
يا ريان ومخوصر خصر
لف العكل
كل جملة منك ...
نبعة ريحان .. بالدلال ...
ما تحمل ثكل
وصفولي عنك
وردة القداح ريش جناح
زاهي بالسحر
وصفولي عنك
شال منك غيظ بستان الورد
والنرجس الرايج سكر
حني بفوازير ولحن ...
حنة حمامات السجن
حنة إلي ...
حنة إلك ...
واللي يعجبه خلي يحن
حن بويه حن

*************

آنه من أشوفك
يمتلي الامضي الجدب
زهرات بيض من الوفه
وروحي سواجي من الحنين تصير
وأنتبه وكت بيه غفه
يا محجل إن بيه ردود
أرد أردود للعشرين ....
من عمر الجفه
وأنصف عمر منك
نصفته بالهجر ...
والهجر منك ما كفه
حتى الهجر يا روحي
منك ما كفه
وكلبي عله هجرك كام أيحن
حن ... بويه حن ... حن ....
وآنه حن
وأنحبس ونه ...
ونمتحن
مجبور أرخصك على الدمع
شرط الدمع يجوي الجفن

*******


وهذه رائعة أخرى من روائع الاستاذ مظفر النواب ...

الريل وحمد

00000

مرّينه بيكم حمد ، واحنه ابقطار الليل
واسمعنه ، دك اكهوه ..
وشمينه ريحة هيل
يا ريل ..
صِيح ابقهر ..
صيحة عشك ، يا ريل
هودر هواهم ،
ولك ،
حدر السنابل كطه
*
يا بو محابس شذر ، يلشاد خزامات
يا ريل بللَّه .. ابغنج
من تجزي بام شامات
ولا تمشي .. مشية هجر ..
كلبي ..
بعد ما مات
وهودر هواهم ،
ولك ،
حدر السنابل كطه .
*
جيزي المحطة ..
بحزن ..
وونين ..
يَفراكين
ما ونسونه ، ابعشكهم ..
عيب تتونسين
يا ريل ..
جيّم حزن ..
اهل الهوى ، امجيمين
وهودر هواهم ،
ولك ،
حدر السنابل كطه
*
يا ريل ،
طلعوا دَغَش ..
والعشق جذابي
دِك بيّه كل العمر ..
ما بطفه عطابي
تتوالف ويه الدرب ،
وترابك ..
ترابي
وهودر هواهم ،
ولك ..
حدر السنابل كطه
*
آنه ارد الوك الحمد .. ما لوكن لغيره
يجفّلني برد الصبح ..
وتلجلج الليره
يا ريل باول زغرته ..
لعبته طفيره
وهودر هواهم ،
ولك .. حدر السنابل كطه
*
جنْ حمد ..
فضة عرس ..
جن حمد نركيله
مدكك بي الشذر ،
ومشلّه اشليله
يا ريل ..
ثكل يبويه ..
وخلِ أناغيله ،
يمكن أناغي بحزن منغه ..
ويحن الكطه
*
كضبة دفو ، يا نهد
لملمك .. برد الصبح
ويرجفنَك ، فراكين الهوه ... يا سرح
يا ريل ..
لا .. لا تفزّزهن
تهيج الجرح
خليهن يهودرن ..
حدر الحراير كطه
*
جن كذلتك ..
والشمس ..
والهوه ..
هلهوله
شلايل بريسم ..
والبريسم إله سوله
واذري ذهب يا مشط
يلخلك .. اشطوله !
بطول الشعر ..
والهوى البارد ..
ينيم الكطه
*
تَو العيون امتلن ..
ضحجات .. وسواليف
ونهودي زمّن ..
والطيور الزغيره ..
تزيف
يا ريل ..
سيّس هوانه ،
وما إله مجاذيف
وهودر هواهم ،
ولك ..
حدر السنابل كطه .

00000

وهذه رائعة من روائع الاستاذ مظفر النواب ...

جرس عطله ..!

000000

مالَه أحٌد شغُل بيه.. جرس عطله
حيل أدكَ نوبات وحدي !!
أبجي وحدي .. أحجي وحدي
آخذ المدرسه عُرض إبطول وحدي
أطفه وحدي بلايه أحٌد وأشتعل
جرس منٌي وبيٌه وحدي أشتُغُل
كَِلتْ أكَضي الظلٌنْ امن ايامي
أتفرٌج
امنْ الشباج عالدنيه وهلها
ولَنْ بالشبيبيج الكَبالي إتِلَجلَجْ
كَامَه من بَلوٌر
شِكلَتني إمنْ عيوني شَكِلْ!!
غَمٌضيتْ إبربع جَفٌي
وبثلثْ ترباع شفت الدنيه مزروعه كُفُر
مشمش حلو ..
ورمان ...
وفَر بيه الخِصِر فرٌة حِجِلْ !!
صِحِتْ سبحانَك شَكَلٌكْ ؟ ؟
كُفُر .. وجَنٌه .. وشِتا
وصيف .. وربيع
إبجَسَد واحد
مِنْ سمَعني المشط من إبعيد
إتمَركَص إتمُركَص عالهَوه
وعضٌاني ..
بسْ عضٌة طفل
عَضْ بعَد .. عَض بعد
يابَعَد روحي
تلفَنتْ للجنٌه من شبٌاجَك الجدٌام بيتي
وبالغَلَط فَرٌيت رقم النار بيٌه
فُر بعَد .. فُر بعَد
بس فُر عَدِلْ
مالَه أحٌد شغُلْ بيٌه
جرس عطلَة صيف ومتاني المدارس
أدِكَ وحدي بلكن إيكَطعَنْ العطله
ويشتِهَن دكَاتْ كَلبي
كِل كَصيبه إتكَلٌك آنه
وكل خصِر محبَس عرس ويكٌَلٌك إلبَسْ
وإنته نازع نفسَك إمن إزمان
وتلملم سَكتٌكْ
جيت للدنيه نزِلْ .. ومسافر ألله وياك
للسلطه نزِلْ
ياجَرس يالعِشتْ وحدَك
ساكت امن ايام ماواحد يسمعَكْ
تعَبْ ؟ ؟ لو مَلٌيتْ
لو رنٌاتك الحلوات
ماعادَنْ بنات التكي والزعرور يلتَمٌن عليها
ياحسافه ياجرس
كل ساع رنٌاتك عرس
بس الوكت كلٌشْ نحس
كلٌشْ نحِسْ

000000



وأيضاً اليكم رائعة من روائع الاستاذ مظفر النواب ...
... ما بجيتك...


00000

فاركًيـتْ إنتـه السفيـنَه وآنه جايبلـَك بحــرْ
خِفِـتْ !! مايكفيـك عشكَ الناس
توصــلْ فرح كَلبــكْ ..
كَـٌعديتْ الثلج من نومــه الثجـــــــيلْ
وسلسَـلتـْلـَكْ حزن كَلبي سلسَبيــــــلْ
جـِبتْ سلطــان الحلمْ ...
شِفتـَكْ مِثــل ممسـوح بغياب الشمس
فاركَت حِلم النـاس ومَلـٌيت السفينه والسفَرْ
إشلـونْ كَلــبك طاوعـَــكْ
ماتكَفْ عالجيــــــــــــدوم وَجـهَكْ كَمـَرْ و نجـــــــــوم
تنطيــنه كل لحظـه إتجــاه الريـــــــح
نِشتـــــاكَ الكَمـــــَـر
يصعَدْ حِسـِنْ وجهـــك كَمــَر
مابجيــــتك ..... مابجيـــــــتكْ
آنه بجـٌتني السفيــنه
إمنين ماطـكَ الرذاذ إتفكْ كَلبها إتريد تبحـِـــر
تِدري نـوباتْ السفن لو ضاكَ خاطرها
إبجُبـُنْ سفـٌانها إتســورب وحدها ؟ ؟
تدري نـوباتْ المحبـٌـه إتمـِلْ طبُـع محبوبـها
ويغفــه عالجتــاف الســــــهر ؟؟
مابجيــــتك ..... ما بجيـــــــتكْ
مَدري منهوإبصدري يبجـــي ؟؟
مدري منهو إيشَكَـٌــكَ إبكَلبي كواغِــــد ؟مدري منهوْإيريـــدْ يرحـَـلْ ؟
مدري منهو إيجرني بيدَر للمطـــــــر ؟
مابـِجـيتـَكْ .. درت عيني للبَحــَـر!!
أبجي المســافات الهِمتها ويـــاك !!
مابجيــــتك ..... ما بجيـــــــتكْ
إنتـه تكذب مابجيـــــتكْ آنه هدٌيـت السفيـنه وسيـٌسـتها إشراع أسَـبكَ الريــح
ولا خاروعـه عندك للمطــــــــَـــــرْ
.....
ما بجيـــــــتكْ
آنه جايبــلـَكْ من دموعـي بحـَــــــــرْ
..........

ولا زلنا مع رائعة أخرى من روائع النواااب فلنغني معه ...

( هم بعد مره !! )

00000

ترافه ...
وليل ...
ودك ريحان ..
يا أسمر لا تواخذنه
يلن .... كل دكه من حسنك ..
شتل ريحان للجنه
ليالي ...
ودك نحر حدار
وأحنه الشوك ناحرنـــــــــه
تحنن ..
دوس ..
فوك الروح ..
واحسبها علي منـــه..
أطكن ورد ،
من تجزي ...
وألف نمام .. يتحنه
بترف جدميك أطيرن فوك ...
فوك الفوك ...
اكتن عسل الورد
مزنه
من اشوفك..
انذر النجمات ترجيه لسوالفنه
ووديلك هوى شكابين ...
وتردني بطرك ونــــــه !!
بوشل هجرك ، يلمذبل
شتلنه العشك والصندل
تنينه..
وكل هجر حمل ،
دمع نيلي ... وسعد اسود
ترف وانته ... ولا سعده
ولا ما مش
ولا أزود
حسافه اسكيتك بروحي...
وحسافه العمر ما ورد .

000000

وكذلك نكون مع اخرى من روائع الاستاذ النواب لنستمتع بها ...

::ريـ ح ـان ::

أشكد نده ...
نكط على الضلع
ونسيت أكلك .. يمته
أشكد رازقي ونيمته
وأشكثر هجرك عاشر
ليالي الهوى وما لمته
غنت سحنت الليل
بكليبي
وكلش موش أنت

**********

يامه التراجي مرجحن

حسك الصافي وغفه
ويامه الدمع ضوه سواد العيون
جانب ترفه
وتدري تنيت الدفو
بلهفه ورده
وما جيت ونيمني الثلج ...
والشته كله أتعده
لا بالمحطة رف ضوه و لاخط جانه من البعد
لا ريل مر على السده
والشته كله تعده كله تعده
وأعلكنه للصيف اليجي
روازينه السمره ...
شمع
من ينزل أول الدفو بنيسان
يهتز نبع
يمكن يخضر دمع ...
يمكن بعد بالروح يا ريحان وصلة تنزرع
والكيظ أجانه وأنكضه ورد أنكضه
ورد كيظ أجه
والزلف هجرك فضفضه
ورد فضفضه
وما مش رجه

*********

ولساع من همسه جي من بعيد
يخضر دمع
كل نسمة ترفه من تفك الباب
يخنكني الدمع
لساع .. ولذته أنكضت
أهجس على الكصايب شمع
وردود أكلك .. يمته ؟؟
أشكد رازقي
ونيمته
أملني يسمر بيك
كل عمري أنكضه وأملته
حنه خيالك بالحلم
خايف يجي وأمنته
كل لحظة من هذا العمر

***********

وعت حسافه بكلبي
يا أول الريحان يلعطيت
نويه بدروبي
ي آخر سوجي حنيني وحبي
من يوم طيفك هجر نومي ما نمت
حنية يا جذاب منك
ما شفت
من ظني كضك بالحلم
عنبر فحت
من ردت أجيسك جست روحي
وفرفحت
أترف من أجفاف المهر
قندون ... ما ضايك شكر
يا حلو يا بوسة سهر ...
يا ترف يا ييزي قهر
شيضرك .. بكل شته الولهان
لو صحوة مطر ؟
والشته كله تعده
والكيظ هم أتعده
شجاب العشك ؟ وأشوده ؟
لا بالحطة رف ضوه ...
لا خط أجانه من البعد
لا ريل مر على السده

**********

ولساع ... مشدوده شبكتك
عل الخصر
والركبه من تلتاف للبوسه
جسر
بس أنت تدري شون رصعة بالنحر
والشته شايل شليله
من يمنه وعبر
واسألته يا شته العشاك
ما عندك خبر
لك يا شته العشاك ما عندك خبر ؟
والكي أجانه وأنكضه ورد أنكضه
ورد كيظ أجه
والزلف هجرك فضفضه
ورد فضفضه
وما مش رجه

00000


وهذه رائعة أخرى من روائع مظفر النواب أقدمها لكم اخوتي

براءة الأخت / مظفر النواب

00000

خوي كابلت السجن
حر وبرد ليلي ونهاري
اتحملت لجلك شتايم على عرضي
وأشعلت ليلي بنهاري
تالي تهتكني ابخلك وصلة جريدة
كرة عيونك يخوي بهاي جازيت انتظاري
بهاي أكابر كل أخت تنتظر منك ثار لعرضها
بهاي أكابل أمهات الناس وهمومي أفضها
جنت ارضى أتدوس بعظامي
وَكلّك حيل رضها
جنت ارضى تذبح ابطني جنيني
ولا براءة عار متبركع تجيني
ولا تكون الكاع تبلعني شَ خَبْر الناس
ولينشد شكله
شلون تكابل عيوني المحله
شلون أوصفك وأنت كلك عار ومذله
بعد مالك ارض ويانا وخبز
لا تصل يمنة وهاك اخذ عار الجريدة
ولف ضميرك والكرامة
مثل مَتبريت من شعبك
تبرينه من اسمك
يا شعب هذا التشوفه موش ابنا
موش ابنا

00000

مع تحياتي للجميع


هذا ما جاد به قلمي للاستاذ مظفر النواب
من قصائده الشعبية
وإن سنحت لي الفرصة وعاودت الدخول الى هنا سأتناول شاعراً عراقياً آخراً ...
ولكم التحية مع التقدير

_________________
حييتُ سفحكِ من بعيدٍ فحَييني
يادجلة الخير , يا أمَّ البســاتين ِ
حييتُ سفحَك ظمـآناً ألوذ به
لوذ الحمائِم بين الماءِ والطين
يادجلة الخير ِيا نبعاً أفـارقـه
على الكراهةِ بين الحِينِ والحينِ
إني وردتُ عُيون الماءِ صافيـة
نَبعاً فنبعاً فما كانت لتـَـرْويني
avatar
Qassim
المدير العام
المدير العام

البلد : Iraq
الجنس : ذكر عدد المساهمات : 348
عدد النقاط : 4525
تاريخ التسجيل : 16/12/2007
الموقع الموقع : منتديات الديوانية كوم http://4ever.sudanforums.net
المزاج المزاج : VerY hAppY

http://4ever.sudanforums.net

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى