العراق فوق كل الاتجاهات

من طرف فارس الحب الإثنين 14 يناير 2008, 3:39 am

ردت اكتب قصيده ومن كتبت اعراق = صاح الله صوته وصفّك المطلع
وكع مني القلم علورقه كتله شبيك = اثاري للوطن ضل القلم يركع
وردت ارسم ورد وبخد عراق حسين = الورده ارسمهه بيدي وتنكلب مدفع
احّا ياوطن جم دوب تحمل اه = وبسيف الشعب جم دوب تتبضع
من اول ماصرت من النفط محروم = وغيرك من ثدايه النفط ضل يرضع
محصولك قتل تدمير والارهاب = وانت بكل شبر بس بالورد تزرع
وانت ابن الوطن والوطن يفخر بيك = ليش اكبال خصمك بالوطن تطمع
حط ايدك بأيدي وخلنه نصبح سيف = وذاك الوكت عود انطالب المرجع
اذا انت ويخصمي وضدي ترمي اسهام = بعد فتوة جهاد اوياك ماتفع
مو هذا الوطن وجروحه تنزف ناس = ومو دجله وفرات عيونه ضل تدمع
تحط حطبك بناره وانت بيدك ماي = اذا مو هسه تفزع يمته جا تفزع
يمفرهد وطن لو صح تفرهد دوم = مثل طبع المكابر دوم ماتشبع
اذا محتلني انته وبيه تاكل دوم = بعد المن اكل لمريكه خل تطلع
كلش زين اعرفك لوجهاد ايصير = تسد طلاكة اذنك حتى ماتسمع_________مع تحيات فارس الحبfarismaitham@yahoo.com

من طرف **the teacher** الأحد 06 ديسمبر 2009, 3:22 pm

اعجبتين هذي العبارة
"وانت ابن الوطن والوطن يفخر بيك = ليش اكبال خصمك بالوطن تطمع"

لان اكو هواي تناقض داخل شخصيتنا, وهذه صورة منه
شكرا يا فارس الحب
لاتحرمنا من كلامك

العراق فوق كل الاتجاهات

العراق فوق كل الاتجاهات

رد: العراق فوق كل الاتجاهات