الى امي العزيزة

رايد ارسم لمي لوحة
لوحة اطرزهه ابأرق واجمل كلام
شمس بيهه وماي صافي
وشجر يحضن كل حمامات السلام
شلون لوحة البيهه ماي
وشمس ربنه وشجر واسراب الحمام؟؟

أمي تستاهل لأنهه
نادره وعلشرف تنحط رايه
أكو أم يفخر ابنهه
واكو يخلنه ذليل هوايه؟؟

يصير أم لجل السعاده
تترك اولاد وبنات ابلا أساس
تساوي أم ضحت عمرهه
لجل تمشي اولادهه مرفوعه راس
مستحيل أني أگلك
الجبل والوادي في نفس القياس؟؟

أنه بمي ارفعت راسي ـــــــ رغم بيهه الوكت قاسي
الوفاء البيهه عالي ــــــ وحطم الرقم القياسي؟؟

گفت اعلينه ابجنحهه ــــــ أنه واخواني وجرحهه
وخسرت الفرحه الأجلنه ــــــ لأن حستنه فرحهه؟؟

أمي حجت مره وحده ــــــ وعيشتنه ابألف حجه
أمي لو بكبر مصيبه ــــــ انطيح بس تدعي الله ننجه
امي لو بالصيف نعطش ــــــــ تنگلب ماي اعله ثلجه؟؟

أمي شحچي اني اعلع أمي ــــــ أمي ضحت من أجلنه
أمي بسطت بالشوارع ـــــــــ حته ما واحد يذلنه
أمي ربتنه ابكرامه ــــــــ وعلمتنه اعله المحنه
أمي خل اخصملك امي ـــــــ أمي والعباس جنه

أمي والعباس جنه



مع تحيات
فارس الحب
farismaitham@yahoo.com

الله الله ..........
قصيدة دافئة نستحق التأمل
اعجبتني هذي الصورة:

گفت اعلينه ابجنحهه ــــــ أنه واخواني وجرحهه
وخسرت الفرحه الأجلنه ــــــ لأن حستنه فرحهه؟؟

منك المزيد يا فارس الحب و تقبل مروري