الى اغلى انسانة

شكد احبك انــــة
موتني حبك بحر
عاندت بي وغركت

كل ليلة بية تمر
اخسرلك شكد عمر
ردت اربحك مكدرت

واسهر واعد بالنجم
بلكي عيوني تمل
نام النجم من وكت
وانة ابمكانة اسهرت

وضليت اعاند واحب
وصعبة ليعاند عشك
جيتك وكلبي يدك
من شفتك انة متت

ما شفت مثلك ابد
والي يحبك ملك
وانة ملكتك بعد
مااعوفك انة اقسمت

روحك حنينة شكثر
وكلبك يدفي بلد
شكد اني اعمى عشت
لمن عشكتك شفت

واشفت مدري اشفت

شفت انة شمس وكمر
انجمعن افد وجه
اقترب يعني احترك
وشلون اذا اتبعدت

مد ايدك اعلة الكلب
نيران بية جمر
بلكي تجويك وتحس
واتكلت انة اشردت

ردتك تضل بالكلب
متعوفة وحدة بغرب
امنتة باسمك بعد
دكاتة انت صرت

وردتك بعيني نضر
وبيك انة ارسم درب
كل خطوة بيها صبر
وامشي بكثر مصبرت

ولهسة ما صدكت
ما جوز منك بعد
لو عمري كلة خسرت

وردتك بصدري نفس
واختنك ما طــلعك
حتى انة اثبت الك
منك ابد ما جزت

جميل هذا الكلام
اذا كانت كل المواضيع استهلاكية فان موضوع الحب لا يستهلك

شكرا يا فارس الحب وتقبل مروري

مشكور